منتديات شبابيك

اهلا بكم فى منتديات شبابــــــــــــــــيك
يسعدنا تشريفكم لنا واختياركم المنتدى والانضمام لاسرة شبابــــــــــــــــيك
منتديات شبابيك

اهلا بيكم فى منتديات شبابيك


    الــــمتخلــــفين بيــــشجعوا واحـــــنا معـــــــاهم...................

    شاطر
    avatar
    the angle
    مـــــــــــشرف منتدى شبابيك كافيه
    مـــــــــــشرف منتدى شبابيك كافيه

    عدد المساهمات : 28
    نقاط : 57
    تاريخ التسجيل : 27/07/2010
    العمر : 22

    الــــمتخلــــفين بيــــشجعوا واحـــــنا معـــــــاهم...................

    مُساهمة من طرف the angle في الخميس يوليو 29, 2010 8:03 pm



    الغبى : ايه ياكوتش كنت فين كدا

    العبيط : كنت بتفرج على ماتش كورة انما ايه ,, اكستيرا

    الغبى : مين الى كان بيلعب مع مين فين ؟

    العبيط : مش عارف والله يافهيم هو كان فيه فرقه لابسه
    اسود والتانيه لابسه اخضر !

    الغبى : اه يبقا الاهلى الاسماعيلى المهم مين كسب ؟

    العبيط : والله يافهيم مكدبش عليك تقريبا الفرقه الاولى

    جابت جون والتانيه جابت جونين تلاته .. كدا يعنى ,

    الغبى : اهااااا .. طيب ماتقول اتعادلو ياعم هتفضل اهبل لامتا ؟

    العبيط : بس متقولش اهبل يافهيم هو انت عشان بتفهم كورة يعنى

    وانا لسه على قدى ؟ هتفضل تقطم فيا

    الغبى : طيب خلاص معلش ياناصح انا بهزر معاك يااخى

    العبيط : خلاص ياعم عادى مانا واخد منك على كدا .

    الغبى : اما انا شوفتلك حتت ماتش . من الى قلبك يحبهم

    انا عارف انك بتحب الدورى الانجليزى ياناصح صح

    العبيط : اه والله يافهيم انا بحبه اوى وبحب اللاعيب الى بيحط ايده فى بوقه دا

    الغبى : مين دا الى بيحط ايده فى بوقه ؟؟

    العبيط : ياض الى بيحط ايده فى بوقه دا لما يجيب الجون

    استنا هقولك اسمه , اسمه .. اسمه .. اسمه اه ه ه اسمه توتو

    الغبى : مش بقولك انت اهبل , قصدك توتى

    العبيط : اه ه ه ه هو توتى

    الغبى : بس توتى مش بيلعب فى الدورى الانجليزى

    توتى بيلعب فى روما .. يعنى فى الدورى الاسبانى ياابو المفهوميه

    العبيط : ياعم متدقش .. المهم ماتش ايه الى انت شوفته

    الغبى : كان نهائى اوروبا . بين برشلونه وانترناسيونال البرازيلى

    العبيط : اه .. يااااااه دا تلاقيه كان ماتش نار

    الغبى : اه يابنى كان ماتش جامد اوى وخلص تعادل

    العبيط : يعنى مين الى كسب

    الغبى : يابنى مش برشلونه بتلعب .. اكيد هى الى كسبت

    العبيط : اه .. لا برشلونه حلوة

    الغبى : امتا بقا الواحد يشوف كورة حلوة فى مصر

    العبيط : اه والله فين ايام زمان .. كان الخطيب يلاعب فرقه بحالها لوحده

    الغبى : تصدق ياض اول مره احس انك بتفهم

    العبيط : ايه ياعم انت فاكرنى اهبل ولا ايه الخطيب دا اسطورة

    ياما جاب بطولات للزمالك . كان متألق بالفانله الصفرا

    الغبى : يابنى خطيب ايه الى كان بيلعب فى الزمالك

    الخطيب دا كان بيلعب فى الاهلى مع صالح سليم

    العبيط : اهو صالح سليم دا بقا مشكله لوحده ؟

    الغبى : ليه يااستاذ ناصح

    العبيط : كان لعيب كورة جامد اوى وفى نفس الوقت كان بيغنى ومشهور

    الغبى : صالح سليم مين الى كان بيغنى ؟

    العبيط : صالح سليم ابو حسام سليم الممثل دلوقتى

    الغبى : يابنى لا مكنش بيغنى

    العبيط : امال كان بيعمل ايه ؟

    الغبى : كان بيروح يقف معاهم فى الاذاعه بس ..

    العبيط : اه ه ه ه . اهو دا كلام الناس العاقلين

    الغبى : بقولك ايه يلا بينا بقا علشان نلحق نروح نشوف الماتش

    العبيط : ايه دا .. هو فيه ماتش النهارده ؟

    الغبى : اه يابنى النهارده اول ماتش لمصر فى الكاس

    العبيط : هيلاعبو مين .. السعوديه ؟؟

    الغبى : يابنى السعوديه دى فى اسيا . يعنى تبع اليورو

    العبيط : امال مين الى هيلاعب مصر ؟

    الغبى : مصر هتلاعب النهارده الكاميرون . والله الواحد خايف من دروجبا رجله

    تقيله وممكن يعملها معانا

    العبيط : هو دروجبا بيلعب فى الكاميرون ؟؟

    الغبى : لا هما واخدينه اعاره سنه بس

    العبيط : طيب يلا بقا عشان نلحق نروح نشجع الكاميرون

    الغبى : ي
    لا بينا


    _________________




    avatar
    Admin
    المــــــــــديــــــــــر الـــــــــــعام لمنتديــــــــات شبابيـــــــك
    المــــــــــديــــــــــر الـــــــــــعام لمنتديــــــــات شبابيـــــــك

    عدد المساهمات : 74
    نقاط : 161
    تاريخ التسجيل : 27/07/2010
    العمر : 26
    الموقع : http://shababeek.kalamfikalam.com

    رد: الــــمتخلــــفين بيــــشجعوا واحـــــنا معـــــــاهم...................

    مُساهمة من طرف Admin في الجمعة يوليو 30, 2010 7:57 am

    ههههههه حلوة يا انجل مشكوورة


    _________________








    I am the godfather, a nice gentleman in the power position.

    I treat all the people with respect ,,, and wait the same respect from them.

    I give everyone the treatment which he deserves.

    If someone is good , I will not be miserly with him for anything.

    But if he treated me bad , he will not find anything from me ,,,

    EXPECT Hell

      الوقت/التاريخ الآن هو الأربعاء نوفمبر 22, 2017 3:17 pm